Dagdag-sahod, benepisyo sa Comelec employees (Isinusulong ni Sotto)

ISINULONG ni Senate President Vicente Tito Sotto III ang pagtataas ng sahod at benepisyo sa mga kawani ng Commission on Elec­tions.

Ayon kay Sotto, ilang dekada nang hinihiling ng unyon ng mga kawani ng Come­lec ang patas na sa­hod sa kanilang trabaho na aniya’y panahon na upang maibigay sa kanila.

Dahil dito, inihain ni Sotto ang Senate Bill 2082 noong 23 Oktubre upang maisa­katuparan ang matagal nang kahilingan ng mga kawani ng naturang ahensiya.

Ito ay upang maiwasan umano ng mga empleyado na masangkot sa mga kati­walian lalo na’t nalalapit ang halalan.

Sa ilalim ng nasabing panukala, makatatanggap ng P5,000 dagdag-sahod at iba pang benepisyo ang mga kawani ng Comelec sa buong bansa.

Mayroon na ring counter­part ang naturang panukala sa mababang ka­pulungan ng Kongreso, na inihain nina House Speaker Gloria Macapagal Arroyo, Representatives Gary Alejano, Francisco Datol at Feliciano Belmonte Jr.

Bukod dito, naglalayon din ang Senate bill ni Sotto na i-institute ang regional at provincial offices at hatiin ang National Capital Region (NCR) sa limang admi­nistrative districts.

(CYNTHIA MARTIN)