HATAW! D'yaryo ng Bayan hatawtabloid.com
SUPER-HATAW ang career ngayon ng talented na mga batang sina Kikay Mikay. Nadagdagan na naman kasi sila ng endorsements, bukod pa rito, kasali rin sila sa bagong teleseryeng The Prodigal Prince sa Net 25.
Sa pagpirma ng dalawang bagets sa Erase bilang endorsers ng Erase whitening lotion for kids at Erase scent perfume, nakapanayam namin sila pati na sina Mr. Louie Gamboa CEO/President ng Erase at Ms. Yveth Padua. Sobrang happy nga nina Kikay Mikay sa kanilang bagong endorsements.
“Siyempre po sobrang thankful po kami kay Sir Louie dahil binigyan kami ng opportunity na maging endorser ng products nila,” pahayag ni Mikay. Wika naman ni Kikay, “Super-saya ko po at nagpapasalamat ako kay God at kay Sir Louie. Tamang-tama po ito sa mga girls, lalo na at start na ng pasukan.”
Ipinaliwanag ni Mr. Louie ang rason ng pagkuha sa dalawang bagets. “Hindi naman kaila sa inyo na parang adbokasiya na namin ang tumulong sa mga nagsisimula, lalo sa mga bata. Kinuha namin sina Kikay and Mikay dahil naniniwala kami sa talento nilang dalawa. Ang Erase kasi mahilig tumulong sa mga baguhan, ‘pag lumapit sa amin at alam naman namin na worth it na tulungan, ginagawa naming ambassador like Kikay and Mikay.
“Nakita ko naman na nang kinuha namin sila, magaling sila at nakita ko ang potentials nila. Ang mga batang ito hindi lang sila magaganda, usong-uso ang itsura nila, parang K-Pop. And I believe na kung maaalagaan nang husto, mabibigyan ng tamang direksiyon, madidisiplina, palagay ko ay malayo ang mararating ng mga bata.”
Ayon naman kay Ms. Yveth, “Katulad ng sinabi ni Sir Louie kanina na talagang we’re supporting ang mga talented na kabataan, so, may programs kaming nakalatag for them. Sa coming days may campaign kami for their particular products, may mga tarpaulin… Kung may mga events sila like sa school, puwede silang mag-request sa amin ng support dahil dala nila ang pangalan namin.”
Bukod sa Erase, bagong endorsers din sina Kikay Mikay ng H&H Makeover Salon. Nauna rito, kinuha silang endorsers din ng Skin Light Baby Soap at Famous Belgian Waffle. Mapapanood din sila Bee Happy Go Lucky, sa Ppop /Internet Heartthrobs Tour sa July 22 sa Shopalooza Bazaar, Riverbanks Marikina at sa August 10 naman, sa UP Theater ang premiere night ng movie nilang Unang Yugto ni direk Moises Lapid. Abangan din sina Kikay Mikay sa pelikulang Susi ni direk Baui Arthur.
ALAM MO NA!
ni Nonie Nicasio
