P100-M arson sa Binondo hihimayin ni Cimatu

INIUTOS ni  Environment Sec. Roy Cimatu nitong Hu­we­bes ang imbestigasyon sa naganap na sunog na tumupok sa Land Management Bureau (LMB) sa Binondo, kamakailan.

Tinatayang aabot sa P100 milyon halaga ng mga kagamitan at mga dokumento ang natupok sa sunog na nagsimula sa LMB building sa ika-pitong palapag, at mabi­lis na kumalat ang apoy sa tatlong iba pang esta­blisiyemento, kabilang ang National Archives.

Hinala ng mga awto­ridad, arson ang naganap dahil ayon sa isang emple­yado, nakarinig sila ng pagsabog bago nagsimu­la ang sunog.

“Cimatu orders probe into media reports that arson may have caused Monday’s pre-dawn fire that gutted the LMB building in Binondo,” a­yon sa Environment Depart­ment sa kanilang Twitter account.

“While we hope that this is not the case, arson is a serious crime and the #LMB fire significantly impacts Filipinos who place premium value on land,” ayon kay Cimatu.

Ayon sa DENR, ang LMB ay nagbukas ng temporary assistance desk sa lobby ng DENR Central Office sa Quezon City upang tugunan ang land-related queries ha­bang iniimbestigahan ng mga awtoridad ang insidente.

HATAW News Team