P3.5-M shabu nasabat sa Cebu

CEBU CITY– Umaabot sa P3.5 milyon halaga ng hinihinalang ilegal na droga ang nasabat sa iki­nasang buy-bust ope­ration sa Brgy. La­bangon sa lungsod na ito, nitong Sabado ng gabi.

Nakompiska sa ope­rasyon ang malalaking pakete ng hinihinalang shabu na 300 grams ang timbang, ayon kay Supt. Glenn Mayam ng Philip­pine National Police Drug Enforcement Group.

Habang nakatakas ang target ng operasyon na kinilalang si Aljun Chavez, umano’y mi­yembro ng isang mala­king sindikato sa Central Visayas.

Samantala, sa lung­sod ng Mandaue, nasabat sa isang checkpoint nitong Sabado ng gabi ang mga tuyong dahon ng mai­juana at ilang sachet ng hinihinalang shabu.

Arestado sa ope­ra­syon ang 11 suspek na nagmula sa lungsod ng Cebu at Talisay.

Ayon kay Chief Insp. Aldrin Villacampa, da­dal­hin sa Leyte ang mga nasabat na droga.

Mahaharap sa kasong paglabag sa Compre­hensive Dangerous Drugs Act of 2002 ang mga suspek.