Koreano itinumba sa Caloocan

PATAY ang isang Ko­rean national makaraan pagbabarilin ng hindi kilalang mga suspek sa harap ng isang resort sa Caloocan City, kamaka­lawa ng gabi.

Hindi umabot nang buhay sa Dr. Jose N. Rodriguez Memorial Hospital ang biktimang kinilalang si Kim Woon Ohm, nasa hustong edad.

Habang pinaghah­a-nap ng mga awtoridad ang mga suspek na tuma­kas sakay ng isang itim na van makaraan ang pa­mamaril.

Batay sa inisyal na ulat ng Police Community Precinct 6, dakong 9:00  pm, nakatanggap sila ng tawag mula sa isang concerned citizen tungkol sa isang  shooting inci­dent sa Novahills Sub­division, Brgy. 171, Bagumbong.

Nang magresponde ang mga pulis, natag­puan nila ang duguang Koreano sa madilim na tapat ng gate ng Gubat sa Ciudad Resort kaya agad nilang dinala sa paga­mutan.

Sa kuha ng CCTV, makikitang ibinaba ang Koreano ng isang black na van at saka pinagbabaril.

Narekober sa biktima ang kanyang wallet na may lamang P4,750 cash, Korean driver’s license, credit card at City of Dreams room card.

(ROMMEL SALES)