HATAW! D'yaryo ng Bayan hatawtabloid.com
HINDI pa rin dadalo si Pangulong Rodrigo Duterte sa pagdiriwang ng 32nd EDSA People Power anniversary sa Metro Manila sa 25 Pebrero, pahayag ng People Power Commission member nitong Biyernes.
“The president will be in Davao City during the EDSA People Power anniversary celebrations. He is a very prudent person. He said, ‘Wala naman ako riyan (EDSA People Power) and I want to spend it with my people in Davao,’” pahayag ni People Power Commission member Pastor “Boy” Saycon.
Nitong nakaraang taon, hindi rin dumalo si Duterte sa EDSA anniversary sa Camp Aguinaldo at mas piniling dumalo sa muling paglulunsad ng Comprehensive Agreement on the Bangsamoro sa Davao.
Pinahintulutan ni Duterte, inihayag ang kanyang paghanga kay dating Pangulong Ferdinand Marcos, ang paglilibing sa dating diktador sa Libingan ng mga Bayani noong 2016 makaraan ang final go signal mula sa Supreme Court.
Ilang beses din pinasalamatan ni Duterte ang anak ni Marcos, si Norte Governor Imee Marcos, sa pagsuporta sa kanyang presidential bid noong 2016.
“Wala akong barangay captain, congressman. Wala akong pera. Si Imee pa ang nagbigay, sabi niya inutang daw niya. Imee supported me,” pahayag ni Duterte sa ilan sa kanyang public speeches makaraan manalo bilang pangulo ng bansa.
HATAW News Team
