HATAW! D'yaryo ng Bayan hatawtabloid.com
MULA gabi hanggang madaling araw, dinudumog ng mga parokyanong Chinese at iba pang nationality ang Tycoon KTV Club diyan sa Aseana area.
Ang dahilan, maraming Chinese mainland GRO cum prositutes ang tumatambay sa nasabing KTV Club.
Kunwari ay mga customer rin sila ng Tycoon KTV Club pero sa totoo lang, sila pala ang dinarayo roon.
Kumbaga, sila ang tunay na pang-c’mon ng Tycoon KTV Club.
Bukod sa mga Chinese prostitute, madalas din umanong mamataan ang ilang kahina-hinalang karakter na mukhang maraming inilulutong transaksiyon sa VIP rooms ng Tycoon KTV Club.
Siyempre, kapag nasa VIP room na sila, protektadong-protektado na.
Marami ang nagtataka kung bakit nakalulusot sa matatalas na mata at pang-amoy ng National Bureau of Investigation (NBI) at Criminal Investigation and Detection Group (CIDG) ang mga babaeng Tsina at kahina-hinalang karakter na ‘yan na palagiang tambay sa Tycoon KTV Club?!
Ilang Immigration people din ang sinabing madalas na namamataan sa nasabing KTV club na dinarayo ng mga Chinese national.
Mayroon ba silang mga transaksiyones sa Tycoon KTV Club?!
Immigration Commissioner Bong Morente, Sir, pakibusisi nga ang mga parokyano ng nasabing KTV bar.
Baka isang araw e, mamalayan n’yo na lang na may extension office na ang Immigration’s Office of the Commissioner (OCOM) sa Tycoon KTV Club?!
Hala, ayaw ni Tatay Digong nang ganyan!
ANTI-POLITICAL
DYNASTY
ISINUSULONG
SA KYUSI
MALAKAS ang panawagan ngayon sa Quezon City na tuldukan na ang political dynasty.
Pero, sabi nga ng matatanda, namulatan na nila ng Kyusi na pugad at pinatatakbo ng mga angkan-angkang politiko.
Sino ang mangangahas na putulin ang ganyang sistema sa lungsod?!
Sa lawak ng Quezon City, nakapagtataka na parang ilang angkan lang ang naninirahan sa lungsod na isinunod pa sa pangalan ng isang dating Pangulo ng bansa.
Kung tutuusin, ang Quezon City ay maituturing na academic seat ng bansa dahil nariyan ang mga kilala at malalaking unibersidad sa bansa.
Pero, nakapagtataka na tahimik ang mga tinaguriang ‘intellectual monsters’ laban sa political dynasty.
Sino-sino nga ba ang mga angkan-angkang politiko riyan sa Kyusi?!
Naririnig ba natin ang apelyidong Bautista o Belmonte?! Aquino, Crisologo o Mathay? E how about Castelo and Sotto?
Ewan lang natin kung mawakasan ang political dynasty sa Kyusi?!
Ano sa palagay ninyo Mayor Bistek?!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
