Tesorero, tanod patay sa ambush (Tserman, driver sugatan)

BINAWIAN ng buhay ang dalawa katao habang dalawa ang sugatan makaraan pagbabarilin ng hindi kilalang mga suspek sa Brgy. Annanuman, bayan ng San Pablo, Isabela, nitong Miyerkoles.

Ayon sa imbestigas-yon, lulan ng owner-type jeep sina barangay captain Briscio Gammaru, barangay treasurer Rey Mabborang, barangay tanod Bonifacio Lumabi at driver na si Kingberly Antonio ng Brgy. Dalena, San Pablo.

Papunta sila sa ba-yan ng Cabagan, Isabela para mag-withdraw ng pasuweldo at bonus sa mga kabarangay, nang bigla silang tambangan ng limang lalaki.

Napuruhan ang barangay tanod at treasurer na agad nilang ikinamatay habang ang dri-ver at ang kapitan ay su-gatan ngunit nakatakbo at nakapagtago.

Mabilis na tumakas ang mga suspek makaraan ang pamamaril.

Ayon kay Senior Supt. Reynaldo Garcia, provincial director ng Isabela Police Provincial Office, lumalabas na ang kapitan ang target ng pana-nambang dahil hinabol pa siya ng gunman ngunit bigo siyang mapatay.

Personal na alitan ang tinitingnan ng pulisya bilang motibo sa krimen.