HATAW! D'yaryo ng Bayan hatawtabloid.com
ISA si Maymay Entrata sa masuwerteng baguhang artista sa showbiz dahil pagkatapos niyang manalo ay ipinag-prodyus kaagad siya ng album at selling like hotcakes na may titulong Toinks mula sa Star Music.
Bukod dito ay napasama pa siya sa seryeng La Luna Sangre bilang kapatid ni Tristan (Daniel Padilla) sa karakter na Apple.
At ngayon ay heto, may pelikula silang ipalalabas sa Setyembre 13 kasama ang ka-loveteam niyang si Edward Barber at sina Kisses Delavin at Marco Gallo na may titulong Loving in Tandem mula sa Starcinema.
Sobrang nagpapasalamat si Maymay sa lahat ng sumusuporta sa kanya dahil hindi siya iniiwan simula noong manalo siya saPBB Season Lucky 7.
Sa ginanap na presscon ay tinanong si Maymay kung ano ang masasabi niya kay Edward. ”Mas nakilala ko si Edward po. Isa sa mga nagustuhan ko sa kanya ay nag-o-open up na kami sa isa’t isa
“Hindi nawawala sa kanya ang pagka-caring niya po at saka pagka-supportive niya po sa aming dalawa.
“Nagustuhan ko rin po sa kanya, kasi pareho po kaming nahihirapan kasi baguhan kami.
“Talagang parati naming inire-remind sa sarili namin, ‘yung sinasabi nga ni Direk (Giselle Andres) na, hindi porke’t baguhan kami, eh, hindi na namin puwedeng ibigay ‘yung best namin.
“Hangga’t nandiyan ang opportunity, ibibigay lang namin ang best namin. Parating niya sa aking inire-remind ‘yun at saka ako rin sa kanya.Nagustuhan ko rin sa kanya, sinasabayan pa rin niya ang kabaliwan ko,” nanlalaki ang mga matang kuwento ng dalaga.
Samantala, aliw ang trailer ng Loving in Tandem at nagpasalamat ang dalaga na nagustuhan ito at sana mapanood ng lahat sa Sertyembre 13.
FACT SHEET – Reggee Bonoan
