JC, pinagsupladuhan si Bela

GOING back to 100 Tula para kay Stella, kuwento ito ng lalaking may gusto sa babaeng kaibigan niya pero hindi niya masabi kasi may speech defect siya kaya idinaan niya ito sa tula.

“Hindi ko po na-meet pero totoong may Stella po,” saad ng aktres.

Natanong naman kung kumusta ang working relationship nila ni JC at nabanggit ng aktres na hindi siya pinansin noong una ng aktor kaya napaisip siya.

Kuwento ni Bela, “noong una ko siyang na-meet, sinupladuhan niya ako, kaya sabi ko baka hindi niya ako masyadong trip na katrabaho.

“(Kaya) every shooting, sinasabi ko, ‘Okey na ba tayo, JC? Niloloko ko lang siya, pero siya, hiyang-hiya palagi.”

Masayang kuwento pa ng dalaga kung paano sila nagkakilala ng personal ni JC.

“Nag-meet kasi kami rati sa ‘Tonight With Boy Abunda’. Parang ipinakilala kami.

“Kilala ko na talaga siya, pero first time na nag-meet kami. Sobrang happy ko pa naman na finally, mami-meet ko na siya. Alam ko na taga-theater siya, marami rin akong kaibigan na taga-theater,” kuwento ng dalaga.

At noong binati ni Bela si JC ng, “hi JC!’ Super hi pa ako sa kanya, (sinagot ako ng), hi, Bela Padilla.’ (Naisip ko), huh, suplado!

“Kaya noong nalaman ko na siya ang katrabaho ko, ‘Gusto ba niya talaga na makatrabaho ako?’

“So, niloloko ko siya every shooting, ‘JC, okey lang ba sa ‘yo na ako ang kasama mo rito?’

“Noong una, nahihiya pa siya. Ngayon, natatawa na lang. Feeling ko, malapit na siyang mainis sa akin,” natatawang paglalarawan ng dalaga sa leading man niya.

Tinanong namin kung may girlfriend si JC, “alam ko mayroon, sila pa rin ‘yung dati (theater actress),” kaswal na sagot ni Bela.

Tatanungin kasi namin kung hindi siya na-attract kay JC dahil mahilig si Bela sa medyo suplado ang image at tahimik.

Anyway, mapapanood na ang 100 Tula para kay Stella sa lahat ng SM Theaters nationwide simula Agosto 16-22.

FACT SHEET – Reggee Bonoan