Tetay, nagpaliwanag sa pag-unfollow kina Karla at Jolina

NAGPALIWANAG na si Kris Aquino tungkol sa sinasabing in-unfollow niya sa kanyang Instagram account ang mga kaibigang sina Karla Estrada at Jolina Magdangal.

Ayon sa TV host/actress , hindi niya alam kung paano nangyari ‘yun, na na-unfollow niya sina Karla at Jolina. Tatlo kasi silang nagma-manage sa kanyang Instagram account.

Aalamin niya kung paanong nangyari ‘yun. Gayunman, humingi pa rin ng paumanhin si Kris kina Jolina at Karla na na-unfollow niya ang mga ito sa kanyang Instagram account.

Ganoon, hindi ‘yun alam ni Kris? Siyempre, bago mag-decide ‘yung dalawa, dapat ay may pahintulot niya, ‘di ba? Isasangguni muna dapat ng mga ito sa kanya kung may gagawin silang pagbabago sa kanyang Instagram account. Pero kung ‘yun ang paliwanag ni Kris, so, tanggapin na lang natin.

MA at PA – Rommel Placente