Tone-toneladang basura hinakot sa Manila Bay (Inanod sa dalampasigan)

TONE-TONELADANG basura ang inanod sa dalampasigan ng Manila Bay sa kasagsagan nang malakas na ulan dulot ng Bagyong Gorio, nitong Biyernes.

Naipon ang mga plastik ng shampoo, sitsirya, bote, styrofoam, kahoy, at kawayan sa baybaying malapit sa bakuran ng US Embassy hanggang sa opisina ng Philippine Navy.

Napuno ang isang truck ng basura nang magsagawa ng mano-manong paghahakot ng basura ang Manila Department of Public Services.