HATAW! D'yaryo ng Bayan hatawtabloid.com
PATAY ang isang pulis na nakatalaga sa Presidential Security Group (PSG), makaraan pumailalim sa isang 10- wheeler truck nang bumangga lulan ng kanyang minamanehong motorsiklo sa Paz Guanzon Street, Paco, Maynila, kahapon ng hapon.
Kinilala ng Manila Police District Traffic Enforcement Unit ang biktimang si SPO1 Emmnauel de Jesus, 54-anyos.
Ayon sa ulat ng pulisya, pasado 2:00 pm habang binabagstas ng biktima ang nasabing lugar mula sa Nagtahan bridge papasok sa Malacañang park, nang mabundol siya ng truck (PJT-876) na minamaneho ni Philip Nino Saralde, 36, ng 1003-A Domingo St., Sampaloc, Maynila.
Pumailalim ang motorsiklo sa truck at nagulungan ang biktima. Isinugod ang biktima sa ospital ngunit idineklarang dead-on- arrival.
Iniimbestigahan ng mga awtoridad ang suspek na si Saralde, na nakatakdang kasuhan ng reckless imprudence resulting in homicide. (BRIAN GEM BILASANO)
