HATAW! D'yaryo ng Bayan hatawtabloid.com
SA kauna-unahang The Eddys Entertainment Editors’ Awards, ng SPEED(Society of Philippine Entertainment Editors, Inc.) na ginanap sa Kia Theater noong Sunday, si Congw. Vilma Santos ang itinanghal na Best Actress para sa mahusay niyang pagganap bilang powerful lady at mommy ni Xian Lim sa pelikulang Everything About Her.
Sayang nga lang at hindi personal na natanggap ni Ate Vi ang kanyang trophy. Nasa America kasi ito ngayon. Ang tumanggap ng award niya ay ang panganay na anak niyang si Luis Manzano, na host ng gabing ‘yun, kasama ang kanyang amang si Edu Manzano.
Kung present sana sa okasyon si Ate Vi, ang gandang tingnan na magkakasama silang pamilya sa stage, ‘di ba?
Mukhang taon ngayon ni Ate Vi sa pagtanggap ng Best Actress trophy, huh! Bago kasi ang The Eddys , ay siya rin ang hinirang na Best Actress sa Gawad Tanglaw,PASADO Awards, at sa iba pang award giving bodies.
Talagang hindi tumitigil ang pagdating ng acting awards kaya Ate Vi, huh!
To Ate Vi, our congratulations!
Si Paolo Ballesteros naman para sa role na transgender sa Die Beautiful ang itinanghal na Best Actor. Si John Lloyd Cruz ang Best Supporting Actor para sa Ang Babaeng Humayo, at si Angel Locsin ang Best Supporting Actress para rin sa Everything About Her.
MA at PA – Rommel Placente
