Para sa Eid’l Fitr: 500 MPD cops ide-deploy sa Luneta, Golden Mosque

UMAABOT sa 500 miyembro ng Manila Police District (MPD) ang ide-deploy sa Quirino Grandstand at sa Golden Mosque sa Quiapo, Maynila para sa pagdiriwang ng Eid’l Fitr, ang hudyat ng pagtatapos ng Ramadan.

Sinabi ni Supt. Edwin Margarejo, MPD public information chief, ang mga pulis ay ide-deploy dakong 4:00 am para sa panalangin na magsisimula dakong 5:00 am at matatapos ng 9:00 am.

“Influx of religious Muslim personalities are expected to celebrate the festivities and the congressional prayers. We will be deploying more than 500 police personnel,” aniya.

Ang plain clothes officers ide-deploy nang maaga para tumulong sa intelligence gathering at support special reaction units.

“Aside from that, maglalagay tayo ng advanced command post and, expectedly, siyempre ‘yung traffic situation. Mag-i-issue kami ng traffic advisory siguro by Sunday, at ‘yung ambulance o help units ide-deploy din sa area of activities,” ayon kay Margarejo.

Inaasahan ng MPD ang mahigit 2,000 katao na dadalo sa nasabing pagdiriwang sa nasabing dalawang lugar.

“Last time, more or less, 2,000 ang nagparticipate. So, we expect even more this year,” aniya.