HATAW! D'yaryo ng Bayan hatawtabloid.com
NAKAALERTO ang mga tauhan ng Philippine National Police Aviation Security group sa paligid ng Ninoy Aquino International Airport, habang ipinatutupad ang martial law sa rehiyon ng Mindanao.
Todo-bantay ang mga pulis sa paparating at papaalis na mga pasahero sa paliparan.
Nitong Huwebes ng u-maga, ilang miyembro ng Gabinete, kabilang sina PNP Chief Ronald “Bato” De La Rosa, Department of Transportation Sec. Art Tugade at Presidential Communications Operations Office Sec. Martin Andanar, ang lumipad patungong Davao City para sa isasagawang Cabinet Meeting na pangungunahan ni Pangulong Rodrigo Duterte.
Ayon sa ulat, inihayag ni Secretary Tugade, dapat maging kalmado ang mga mamamayan at dapat “business as usual” lamang ang lahat.
Habang iginiit ni Secretary Andanar, walang dapat na ikabahala ang taong-ba-yan, at wala ring dapat ipa-ngamba ang lehitimong mga mamamahayag dahil hindi naman sila pagbabawalan na mag-cover sa martial law sa Mindanao.
