HATAW! D'yaryo ng Bayan hatawtabloid.com
SINABI ng Kapuso star na si Alden Richards na nakatatanggap siya ng death threats, pati na ang kanyang pamilya.
“Since the beginning naman po, before that issue, I already have my own life-threatening situations. I asked the help of GMA Artist Center and from the NBI to do something about it. We’ve been taking actions naman po with regards to that,” saad ni Alden sa panayam ng PEP.ph.
Idinagdag pa ng Pambansang Bae na maaring ito ay mula sa mga taong wala lang magawa.
“Kasi ang akin lang naman po, if you’re threatening someone, there’s a 90 percent probability na hindi mo siya gagawin because you are threatening. Iyong mga nagti-threat, hindi nagsasabi iyan, ginagawa na lang nila.
“There are a lot of people like that, especially in social media. Napakadaling gumawa ng statements and threats like that. Pero so far naman po, we’ve been very careful with that and, kumbaga, we just take extra caution kapag nasa labas. Kumbaga, yung mga threats like that are being done by people na siguro walang magawa.”
Matatandaan na noong September 25 ay nag-post sa kanyang Facebook account si Richard Faulkerson Sr. na mas kilala sa tawag na Daddy Bae na ipinauubaya na lamang daw niya sa National Bureau of Investigation ang mga nagbabanta sa kanilang buhay.
“Bash n’yo na ko kakayanin ko pa po yan… wag lang threat sa buhay namin…nbi na po ang bahala diyan,” saad ng ama ni Alden.
Ayon pa kay Alden, ipinagdarasal na lamang nila ang mga taong nagbabanta sa kanya at sa kanyang pamilya.
Samantala, ipinahayag ni Alden ang pasasalamat sa mga tao sa likod ng TV series na Encantadia dahil napagbigyan ang kanyang matagal na pangarap na mapabilang sa casts nito.
Nagsimulang mapanood si Alden sa Encantadia last week at sinabi niyang patuloy siyang mapapanood sa naturang serye ng GMA-7 sa mga susunod pang mga linggo.
ALAM MO NA! – Nonie V. Nicasio
