Nakababato ang mga kuwento ni Matobato

MGA kababayan naniniwala pa ba kayo sa Senate hearing na pinamumunuan ni Senadora Leila De Lima tungkol sa extrajudicial killings?

Aaminin ng inyong lingkod na noong una ay nagtiyaga tayong panoorin at pakinggan ang hearing. Normal lang po sa amin ‘yun bilang isang mamamahayag. Kailangan namin panoorin ang nasabing hearing at maging objective sa panonood.

Kaya nga sinasabi natin, nagtiyaga talaga tayong manood.

Akala natin ‘e masusulit ang ating pagsubaybay sa hearing pero…

Sonabagan!!!

Sumakit ang ulo ko kay Delilah’s ‘este De Lima’s witness Edgar Matobato!

Si Matobato, ang self-confessed hitman umano ni Pangulong Rodrigo Duterte sa napababalitang Davao Death Squad (DDS).

Sinikap pa rin nating maging objective kaya tinanong natin ang ilang mga kaibigang pulis at imbestigador kung ano ang tingin nila kay Matobato?

Iisa ang sagot nila in unison… kung hindi mananahi ‘e maglulubid si Matobato…

Mahilig magtahi-tahi ng kasinungalingan at eksperto sa paglulubid ng buhangin!

Mismong si Senator Panfilo “Ping” Lacson ay duda sa motibo at intensiyon ni Matobato.

Bilang co-chairman ng committee na nag-iimbestiga ‘e hindi nga siya nasabihan ni De Lima na may isang testigo silang ihaharap kamakalwa.

Ilang taon nang pinag-uusapan ang DDS at ilang imbestigasyon na ang ginawa tungkol diyan pero walang lumutang na Matobato.

Kung kailan naging presidente si Digong at pumutok ang isyu ng pagkakaugnay ni De Lima sa illegal drug trade sa National Bilibid Prison (NBP) ‘e biglang lumutang ang isang Matobato sa Senate hearing na ang babaeng Senador ang committee chairperson?

Kesyo may pinatay umano siya na halos 200 bala ang inubos niya.

Wattafak?!

‘E ano na ang itsura ng bangkay? Giniling na baboy!

Ang kanyang mga detalye o kuwento ay magkakalayo na parang pilit pinagdidikit.

Kumbaga, kuwentong kutsero na parang gustong gawing pelikula…

At higit sa lahat, bakit ngayon pang presidente na si Digong saka pa niya naisipang isiwalat ang kanya umanong nalalaman?!

Ang lakas naman ng loob niya?! ‘Di ba dapat noon pa niya ginawa ‘yan?

Tingin natin ‘e, sayang lang ang oras sa pagdinig na ‘yan sa Senado.

Kung hindi man nanghihinayang si Senadora De Lima sa pera ng bayan na ginagastos sa hearing na ‘yan.

Manghinayang man lang sana siya sa ‘oras’ ng mga taong napipilitang makisangkot alang-alang sa ‘ginagahasang’ katotohanan.

Ano ba talaga ang agenda ninyo Madame Senator!?

REKLAMO SA ILANG PUBLIC
‘NEGOSYO’ SCHOOL SA IMUS CAVITE
(ATTN: IMUS DEPED)

MAY reklamong ipinaabot sa atin hinggil sa raket umano sa isang public elementary/high school sa Imus City.

Medyo takot pa ang mga magulang at titser dahil baka malagot sila sa principal at baka gantihan ang mga anak nila.

Ano ang kanilang reklamo sa school canteen?

Sila umanong mga public school titser ay inoobliga ng kanilang principal na magbenta ng food sa tray, worth more or less P200 to P400.

Ang laman ng tray ay kakanin, hotdog, ice cream, puto o kutsinta at iba pa.

Hanep ha?! Parang mini-canteen pala!?

“Kaya po, ‘yung mga anak namin, panay ang hingi ng extra money kasi inoobliga sila na bilhin ang paninda sa tray,” sabi ng isang ginang na inis na inis kasi nga pinagbababaon niya ang kanyang anak para makatipid dahil wala nga siyang extra money para ibigay sa anak.

At Kung hindi maubos ang laman ng tray, ano ang ginagawa ng mga titser?

“Bale consignment po, kung ‘di maubos, isinosoli nila kaso pinapagalitan sila ni Ma’am (principal), kaya minsan, iniuuwi na lang nila sa bahay ang paninda at aabonohan na lang para hindi mapagalitan ni Principal.

Wattafak!?

Teka, ‘di ba may school canteen sila, anong nangyayari?

“Sarado na at wala nang paninda kasi si Ma’am ‘yung food tray ng kaibigan niya ang pinapapasok sa school, kaya hindi na nag-o-ope-rate ang canteen namin,” sabi ng isang titser.

Magkano naman ang kinikita ng negosyong ‘food tray’ ng kaibigan ni Principal?

“Aba malaki kasi mga 40 teachers sila na nagte-tray every school days, ang estimate na tubo ay more or less P100,000 a month!”

Saan naman napupunta ang tubo?

Si Principal at ‘yung pren niya lang daw ang nakaaalam na mukhang magkasosyo sa food tray business nila.

Ang palusot ‘este sabi raw ni Principal, ang tubo ay ginagastos sa pagre-repair ng mga sira sa school, at ipinambibili ng mga gamit nila sa pagtuturo.

Minsan bumili raw ng video wall, ang halaga ay P200,000.

Panay raw ang pagawa, wala namang resibo ang mga binibiling gamit ni Principal at may pinapasahod daw na contract worker.

Ipinambibili rin daw ng school supplies ang tubo sa tray business, sabi pa raw ni Principal.

Sagot naman ng mga titser, sila ang madalas bumibili ng chalk at pambura kasi wala na kaming supply (sa school).

Ilang taon (3 years) na ang “food tray business” ni Principal kaya malamang yumaman na sila sa negosyo nila?!

Ano pa ang ibang ‘raket’ ni Principal?

May pa-film showing kaya obligado na naman ang mga bata na magbayad sa sine.

May pa-fundraising rin na beauty contest kuno, pa-raffle at kung ano-ano pa?!

Kaya pinagbebenta ng tiket ang mga magulang, guro at estudyante ng mga booklet na pan-raffle at kung ano-ano pa, dagdag reklamo ng isang magulang.

Bakit hindi sila magreklamo?

Nagreklamo na sila pero wala namang nangyayari.

Nanawagan tayo sa Imus Deped at kay Imus Mayor Maliksi na tingnan ang ‘kalakaran’ at ire-gularidad  ng ilang Imus public school dahil hindi lang mga magulang ang nahihirapan kundi pati public school teachers!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap