James Reid, pabor sa drug-test para sa mga taga-showbiz

NAGING usap-usapan sa apat na sulok ng showbiz world na maaaring sumunod namang magkaroon ng crackdown ang pamahalaan sa mga drug users sa showbiz. After na maging matindi ang kampanya ng gobyerno sa mga drug lords, pushers at addicts, may balitang may taga-showbiz na markado na rin daw.

Si Robin Padilla ay nagpahayag na huwag munang ilabas ang pangalan ng mga showbiz personalities na umano’y sangkot sa droga. Si Edu Manzano naman na dating Vice Mayor ng Makati ay nagpahayag naman na pabor siyang pangalanan ang mga celebrity na pinaniniwalaang sangkot sa usapin sa droga.

Request lang ni Edu na sana raw ay siguraduhing may matibay na ebidensya bago isiwalat ang pangalan ng mga artistang gumagamit ng droga.

Recently ay nagpahayag din ang young star na si James Reid ukol sa isyung ito. Ayon sa Kapamilya actor, pabor siya rito at handa raw siyang magpa-drug test kung kinakailangan. “I love going to music festivals. I love partying.

“Of course yeah. I think I’m in favor of that. I’ve heard that that’s happening but I guess it’s all for the better right? I guess it’s all for the better so I don’t see any problem with it. I’ve got nothing to be afraid of if I’m not doing anything wrong,” saad pa ng isa sa bida sa TV series na Till I Met You, katambal of course si Nadine Lustre.

ALAM MO NA! – Nonie V. Nicasio