HATAW! D'yaryo ng Bayan hatawtabloid.com
HATAW na naman sa work mode ang magaling na performer na si Kitkat. Ginagawa niya ngayon ang una niyang musical play at may bagong soap opera rin siya sa ABS CBN.
Pinamagatang Dirty Old Musical, ito ay ukol sa isang all male group band noong 80’s na nagkaroon ng one time big time hit at nagkawatak-watak. Ngayong sila ay nasa liyebo singkuwenta na, magkakaroon sila ng one time concert para sa isang kasamang may karamdaman.
Ayon kay Kitkat, nai-starstruck siya sa mga kasama sa musical play na ito. “I’m doing my first ever musical play sa September 1, 2, 3 at 8, 9, 10 sa Music Museum po. Gusto ko kasing ma-establish ang pagkanta ko and ibang mundo naman kasi ang theater. Of course, tampok dito ang mga batikang aktor sa theater like sina John Arcilla, Nonie Buencamino, Ricky Davao, Robert Seña, Michael Williams, Ima Castro, at ako. Kaya sobrang kakatuwa po,” saad ng komedyana.
Dagdag pa niya, “Nai-starstruck po ako sa mga kasama ko, plus producer po nito ay ang Spotlight Artist Centre na sina Tita Isay Alvarez at Tito Robert Seña. Sinukan ko ang musical play, para ma-establish na lahat ay kaya kong gawin.
“Sobrang nanganganga po ako everytime na may rehearsals kami, as in grabe ang gagaling nila. Tapos lahat-acting, kanta at sayaw, lahat ginagawa po namin dito sa musical play. Tapos talagang parang school, tuwing papasok ay excited ako.
Nakaka-flatter din po na ‘pag kakanta ako, sasabihin nila sa akin na ang galing ko rin at ang cute ko,” nakatawang saad pa niya.
Ano ang show niya ngayon sa Dos? “Ang new teleserye ko po ‘yung Langit Lupa starring Yam Concepcion, Jason Abalos, Patrick Garcia. Bale dito, third wheel po ako ng ToMiho.”
So, balik ABS CBN ka na? “Opo, kung saan naman may offer doon ako, kahit saan, kahit sa Arirang Channel pa iyan,” nakatawang biro pa niya. “Kahit naman po noong nag-GMAako sa APT-TAPE, Star Magic talent pa rin po ako.”
Ayon pa kay Kitkat, kaya niyang pagsabayin ang musical play at ang bago niyang TV series sa ABS CBN. “Opo kasi sa totoong buhay, ‘pag nagso-show po ako, i- sing and dance and nagpapatawa po. MWF, tapings sa teleserye, then TTH Sundays, yung rehearsals ko po sa DOM naman.”
ALAM MO NA! – Nonie V. Nicasio
