HATAW! D'yaryo ng Bayan hatawtabloid.com
MARAMING plano si Mr. Jimmy Dee para sa bagong grupong Dee Girls para maghatid ng world class act partikular sa island dancing, hip hop, twerking, jazz, at iba pa. Ang Dee Girls ang pinakabagong sexy at hot female group sa bansa na binubuo ng talented na sina Lea Ibañez, Nicole Nasayao, Tin Oco, Mary Rose Romualdez, Brenda Bordador, Jay Burbano, Glyza Ibañez, at Lewis Paulo.
Si Nicole bale ang tumatayong lider ngayon sa grupo na tumulong bumuo sa Dee Girls. Siya ay 19 years old at isang half Pinay-half Japanese na bata pa lang ay hilig na talaga ang pagsasayaw. Ayon pa kay Nicole, bawal sa kanila ang magka-boyfriend, lalo na raw ang mabuntis.
Paano mo ide-describe ang grupo ninyo? “Iyong group po namin ay pang-wholesome, whole show po kami kung mag-perform. May kaunting singing din at dancing, ganoon po,” saad niya.
Ang Dee Girls ay binuo ni Dee para maghatid ng kakaibang entertainment lalo na sa sayawan. Si Mr. Dee, ay isang multi-talented entertainer, businessman, motivational speaker, philanthropist, humanitarian and so much more, na nasa bansa para sa isang misyon. Mayroon siyang noble advocacy at genuine love na tulungan ang mga kabataang babae na matupad ang kanilang mga pangarap sa buhay lalo na ang mga mayroong talent, beauty, passion at determinasyon.
Ang Jimmy Dee Productions ay naglalayong makatuklas at hasain ang mga talented na kabataang babae na maabot ang kanilang lugar sa mundo ng entertainment. Nagbibigay sila ng oportunidad sa mga nagnanais na makilala sa global audience simula sa Pilipinas, tapos ay sa Guam, Hawaii, Las Vegas at Asia Pacific, at kahit sa Hollywood pa, depende sa taglay nilang talento. Planong mag-show ng Dee Girls sa Solaire at Resort’s World
ALAM MO NA! – Nonie V. Nicasio
