Nathalie Hart, tinuhog ang mag-aama!

BALITA namin ay nagpaka-daring nang husto si Nathalie Hart sa pelikulang Siphayo ng BG Productions International na pamamahalaan ni Direk Joel Lamangan.

Nang nakahuntahan namin ang isa sa executive ng BG Productions na si Dennis Evangelista, nabanggit niya na super-daring si Nathalie sa naturang pelikula. “Tatlong mag-aama ang tinuhog niya rito e, sina Luis Alandy, Joem Bascon, at Allan Paule. For matured audience talaga ang film, hindi malaswa pero okay lang na maging R-18 ang rating,” esplika sa amin ni Dennis.

Launching movie ito ni Nathalie at aminado ang aktres na masa-shock ang viewers sa gagawin niya rito. Nang nakapanayam namin si Nathalie, sinabi rin siya na pang-R-18 ang movie. “There’s gonna be nude scenes. Ang pinag-usapan namin ni Direk Joel, na there’s nudity, R-18 talaga ang movie, there’s some scenes na frontal and back. Bale, ang execution na lang ang pag-uusapan namin ni Direk, kung paano niya gagawin. Nagkaintindihan na kami, napag-usapan na namin iyon, para maging artistic talaga,” wika ng aktres.

Ayon pa sa 23 year old na aktres, ang mga ganitong project ay mahirap daw palagpasin.

“I think siguro, mahirap, it’s either kailangan yung artista na gaganap ng role na ito kailangan napaka-strong na tao or matapang.

“Kasi napakahirap nang gagawin talaga, as in biruin mo, magkakaron ako ng relasyon sa isang pamilya. Sa tatay at dalawang anak. Dalawa yung anak pero hindi ko sasabihin kung sino doon or whatever. Basta, it’s a very taboo story.”

Balita pa namin, may frontal nudity sa pelikulang Siphayo si Nathalie dahil target nito ang international filmfest, kaya sure kaming talagang magmamarka sa pelikulang ito ang aktres.

ALAM MO NA! – Nonie V. Nicasio