Saturday , July 27 2024
Andre Dizon PNP MPD

Sa Maynila
8 MPD OFFICIAL BINALASA NI DD P/BGEN. DIZON

BINALASA ni Manila Police District (MPD) Director P/BGen. Andre Dizon ang hanay ng station commanders sa bawat estasyon gaya ng Sta. Cruz Station (PS3), Sampaloc (PS4), Abad Santos (PS7), Pandacan (PS10), Meisic (PS11) at Delpan (Ps12) bilang hakbang tungo sa pagpapanatili ng peace and order na kabilang sa programa nina Manila Mayor Honey Lacuna at VM Yul Servo sa lungsod ng Maynila.

Nabatid sa inilatag na balasahan ni P/BGen. Dizon, humalili bilang hepe ng MPD PS3 si P/Lt. Col. Ramon Solas kay P/Lt. Col. Jonathan Villamor na itinalaga bilang hepe ng MPD PS7.

Kapwa bagong assign sa MPD ang dalawang opisyal na inaasahang maglalatag ng seguridad sa Sta Cruz at Tondo, Maynila.

Pinalitan ni Villamor si dating P/Lt. Col. Robert Domingo na inilipat bilang Chief, District Investigation and Detection Management Division (DIDM), isang T.O. position para sa promotion bilang full-pledge colonel.

Samantala, nagpalit ng kani-kanilang presinto si P/Lt. Col. Acohon na nadestino sa PS12 kapalit ng bagong talagang PS4 commander P/Lt. Col. Jay Doles na magpapatupad ng kaayusan at katahimikan sa Sampaloc, Maynila.

Napag-alaman, sa ilang buwang pamumuno nina P/Lt. Col. Domingo at P/Lt. Col.. Doles sa Tondo at Delpan ay napanatili ang mababang crime rate sa kanilang area of responsibility (AOR).

Samantala, naupo bilang station commander ng PS10 si P/Lt. Col. Maria Agbon na magsisilbing gabay  ng mga pulis-Pandacan.

Pinalitan ni P/BGen. Dizon ang hepe ng PS11 na si P/Lt. Col. Magno Gallora, kilalang malapit na opisyal kay dating Manila Mayor Isko Moreno at dating MPD Director P/Lt. Gen. Vic Danao na katuwang sa paglilinis at pagsasaayos sa paligid ng Divisoria at Binondo Maynila.

Humalili kay Gallora bilang station commander ng PS11 si P/Lt. Col. Rexson Layug na inaasahang magpapatupad ng mga programa ng pamahalaang lungsod partikular ang constant clearing operation sa nasabing lugar.

Napagalaman sa naganap na turnover ceremony ay naging direktiba ni Dizon sa mga pulis-Maynila ang pagsisilbi nang mahusay at tiyakin ang seguridad ng publiko lalo ang mga mag-aaral o estudyante sa kani-kanilang AOR.

Giit ni Dizon, mahigpit niyang ipinag-uutos sa lahat ng unipormadong miyembro ng MPD na huwag kalimutan ang slogan ng kanyang pangalan (A.P.D ) — Approachable, Presentable at Dependable ang mga pulis-Maynila sa anomang oras.

Alinsunod ito sa programa ni NCRPO RD P/BGen. Jonnel Estomo na S.A.F.E NCRPO o Seen, Appreciated, Felt and Extraordinary Police Officers.

Ipinaalala ni Dizon ang kanyang mantra “Serbisyong Damang-dama, Serbisyong Uunahin ka”  bilang pagtalima sa programa ni C/PNP General Rodolfo Azurin. (BRIAN BILASANO)

About Brian Bilasano

Check Also

Dulot ng bagyong Carina
PAMPANGA, BULACAN, IBA PANG LUGAR SA CENTRAL LUZON LUMUBOG SA BAHA  
2 iniulat na nasawi

PATULOY na nagsasagawa ng disaster response operations ang mga pulis sa Central Luzon habang nananatili …

Arrest Posas Handcuff

Most wanted person sa Bicol Region naaresto sa Zambales

ISANG personalidad na nakatala bilang isa sa Most Wanted Persons sa Bicol region ang naaresto …

Bulacan Police PNP

Sampung wanted na kriminal sa Bulacan nasakote

HINDI alintana ng kapulisan sa Bulacan ang malakas na ulan at baha dulot ng bagyong …

Honey Lacuna Manila Baha Ulan Bagyo Carina

Bilang tugon sa problemang dala ni ‘Carina’:
SERYE NG DIREKTIBA IPINALABAS NI MAYOR HONEY

NAGPALABAS ng serye ng direktiba si Manila Mayor Honey Lacuna bilang tugon sa mga problemang …

Honey Lacuna Pangan Manila baha ulan carina

Pag-kalinga ni Action Lady, Mayor Lacuna kahit bagyo naramdaman ng mga Manileño!

BALEWALA kay Manila Mayor Honey Lacuna Pangan ang mataas na tubig baha na kanyang nilusong …