Thursday , April 18 2024
Cecilio Pedro FFCCCII

Sa isyu ng ‘Globe-Trotting’
PBBM IDINEPENSA NG FFCCCII PREXY

“I HAVE been with the President (PBBM) in his two trips abroad China and Malaysia.  The President is working hard to promote the Philippines and he is inviting investors to come in. He is is travelling all over to entice investment.  ‘Yan ang legacy na gusto niyang ma-establish over his term to bring in more people to help this country move forward and I give it to him.” 

Ito ang pahayag ni Dr. Cecilio Pedro, Presidente ng Federation of Filipino Chinese Chamber of Commerce and Industry Inc. (FFCCCII) makaraang dumalo bilang solo guest sa naganap na “Balitaan sa Harbor View,”   isang regular forum na itinataguyod ng Manila City Hall Reporters Association (MACHRA) sa lungsod ng Maynila.

Sa naturang MACHRA forum, idinepensa ni Dr. Pedro ang isyung ‘Globe trotting’ na ipinupukol kay Pangulong Ferdinand Marcos, Jr.,  patungkol sa kanyang mga biyahe sa ibang bansa.

Giit ni FFCCCII President Pedro, tuwing biyahe ng Pangulo ay bitbit niya ang malalaking investment package pag-uwi ng bansa.

Bilang presidente ng FFCCCII na binubuo ng malaking asosasyon ng mga Filipino Chinese businessmen, naniniwala si Pedro, na kapag maraming negosyo sa bansa ay nangangahulugan ito ng mas maraming trabaho at malagong turismo na magreresulta ng magandang ekonomiya ng bansa at progresibong pamumuhay.

Binanggit ni Pedro, ang isyu tungkol sa West Philippine Sea (WPS) ay maliit na bahagi sa relasyon ng Filipinas at ng bansang China.

Naniniwala ang dugong Chino pero pusong Pinoy na si Pedro na kung eksklusibong mag-uusap ang dalawang lider ng bansa ay mareresolba ang isyu.

Inihalimbawa ni Pedro ang isyu sa WPS ay tila mag-asawang dumaranas ng ‘di-pagkakaunawan mahigpit nilang pinag-uusapan nang hindi damay ang iba pang miyembro ng pamilya.

Giit ni Pedro, ang pagsali sa ibang partido ay hindi solusyon dahil ang  business sector aniya ay patuloy na umaasang ang usapin sa WPS ay mareresolba sa diplomatikong pamamaraan.

“Dapat, tayo-tayo lang. Habang may buhay, may pag-asa. There is light at the end of the tunnel, nais ng  business investors ay long-term stability at hindi  conflicts,” dagdag ni Dr. Pedro. (BRIAN BILASANO)

About Brian Bilasano

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …