Thursday , May 26 2022
Leah Tanodra-Armamento

Tanodra-Armamento, bagong CHR chair

ITINALAGA bilang bagong chairperson ng Commission on Human Rights (CHR) si Leah Tanodra-Armamento kahapon.

Pinalitan ni Tanodra-Armanento ang namayapang dating CHR chair na si Jose Luis Martin “Chito” Gascon. Siya ay namatay dahil sa komplikasyon sa CoVid-19 noong nakaraang taon.

Hindi bago sa CHR si Tanodra dahil naging komisyoner din siya sa ilalim ng kasalukuyan at ikalimang Commission en banc.

Si Tanodra-Armanento ay dating nagtrabaho sa loob ng limang taon sa Office of the Solicitor General bilang associate solicitor, kung saan ay inasistihan niya ang solicitors sa habeas corpus cases.

Nalipat siya sa Department of Justice (DOJ) at mula sa pagiging State Prosecutor ay naging Senior State Prosecutor noong 1991- 2003.

Noong 2003, itinalaga si Tanodra-Armamento bilang DOJ Assistant Chief State Prosecutor, kung saan siya ang naging chairman ng legal panel ng Philippine government (GPH) sa pagrerebyu ng Final Peace Agreement’s Implementation sa pagitan ng GPH at Moro National Liberation Front (MILF).

Naitalaga din siya bilang DOJ Undersecretary.

Nabatid na si Tanodra-Armanento ay nagtapos ng Bachelor of Laws degree sa Ateneo de Manila University School of Law. Siya ay naging fellow din sa Harvard University sa iallim ng John F. Kennedy School of Government noong 2007.

Ayon sa CHR, ang mga kasalukuyang Commission en banc na sina commissioners Karen Gomez-Dumpit, Gwendolyn Pimentel-Gana, at Roberto Eugenio Cadiz ay maglilingkod hanggang 5 May 2022. (ALMAR DANGUILAN)

About Almar Danguilan

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …