Monday , May 27 2024

P1.3-B pekeng yosi, nasamsam 5 tauhan ng sindikato timbog sa sinalakay na factory

TINATAYANG nasa P1.3 bilyong halaga ng mga pekeng sigarilyo at mga materyales ang nakompiska, habang limang mga tauhan ng sindikato ang naaresto sa pagsalakay ng PRO3-PNP sa dalawang factory sa lungsod ng Mabalacat, lalawigan ng Pampanga, nitong nakaraang Huwebes, 24 Hunyo.

Ayon kay PRO3 Director P/BGen. Vale­riano De Leon, dala ang mission order ay sinalakay ng mga kagawad ng Criminal and Detection Group (CIDG) Pampanga PFU, BIR R4 Regional Investigation Division, Mabalacat City PS, Pampanga PPO kaantabay ang PMFTC, IP Manila, at DOST3, ang factory sa DOST compound sa Brgy. Paralayunan, sa nabanggit na lungsod.

Nakompiska ng mga awtoridad ang isang berdeng Izuzu wing van truck, may plakang lO 3955 kargado ng mga sako-sakong pinatuyong tabako; isang Hyundai utility vehicle; 22 kahon, anim na ream ng Yunyan; 14 kahon Shuangxi; 13 kahon, 19 reams, siyam na pakete ng Gold Line; 72 reams ng Nanjing; walong reams ng Jinsiye; 19 reams, tatlong pakete ng Black Pearl; apat na kahon, 35 reams ng Marlboro; at 35 reams ng Titanium, at bultong materyales sa paggawa ng pekeng sigarilyo na may halagang P300,000,000.

Kinilala ang mga naarestong suspek na sina Danny Martizano, 48 anyos, ng Bisug, Surigao Del Sur; Richie Alminion, 34 anyos, ng Cawayan, Masbate; Sammy Molina, 44 anyos, ng Natividad, Pangasinan; Ryan Tilanduca, 24 anyos, ng Malaybalay, Bukidnon; at Efren Tacomto, 46 anyos, ng Mabalacat, Pampanga, pawang mga konektado sa Wendel Criminal Group na sangkot sa pamamahagi ng mga pekeng sigarilyo sa Gitnang Luzon.

Sinalakay din ng mga operatiba sa follow-up operation ang ikalawang bodega ng mga sindikato sa Global Aseana Park 1, sa bayan ng San Simon, sa nabanggit na lalawigan, kung saan nakompiska ang 147 pirasong invalid BIR stamps (green); 1,470,000 invalid BIR stamps (light blue); 12 cigarette packer machine; dalawang cigarette maker machine; 10 kahon Back Film at Label; 100 rolls cigarette paper; 35 rolls tipping paper; 46 rolls cigarette foil; 48,000 pirasong cigarette filter; apat na kahon cigarette paper; 36 kahon soft label (jackpot); bultong mga brand ng sigarilyo; at mga materyales sa paggawa ng sigarilyo na tinatayang P1,000,000,000 ang halaga.

“The Philippine National Police-Police Regional Office 3 along with other government agencies are intensifying its monitoring to prevent the entry and proliferation of contrabands in the region,” pahayag ni P/BGen. De Leon.

(RAUL SUSCANO)

About Raul Suscano

Check Also

Apostle Arsenio Ferriol

4th Watch nagluksa sa pagpanaw ng founder na si Apostle Arcenio Ferriol

NAGLUKSA ang buong Pentecostal Missionary Church of Christ (4th Watch) sa pagpanaw ng kanilang founder …

Senador Alan at Pia nagbigay ng tulong sa 2,000 Batangueño

Senador Alan at Pia nagbigay ng tulong sa 2,000 Batangueño

UMABOT sa 2,000 Batangueño ang nakatanggap ng tulong mula sa mga opisina nina Senador Alan …

Lito Lapid agri-tourism

Pagpapalago ng agri-tourism, isusulong ni Sen. Lito Lapid

INAARAL ngayon ni Senador Lito Lapid ang pagpapaunlad ng Agri-tourism sa bansa. Kasunod ito ng …

Bong Revilla Jr Bryan Revilla

Sen. Revilla, Agimat Partylist saludo sa volunteer groups na handang magsakripisyo sa bayan

INIHAYAG ni Agimat Partylist Rep. Brian Revilla at maging ang tanggapan ng kanyang ama na …

Bagong gusali para sa retired MPD cops, pinasinayaan

Bagong gusali para sa retired MPD cops, pinasinayaan

MAYROON nang sariling tanggapan at gusali ang mga retired members ng Manila Police District. Ito …

Leave a Reply

Your email address will not be published. Required fields are marked *