Monday , May 27 2024

2 tulak todas sa serye ng anti- narcotics ops (Sa Nueva Ecija)

HALOS magkasabay na binawian ng buhay ang dalawang pinaniniwalaang talamak na tulak ng ilegal na droga sa magkahiwalay na anti-narcotics operation na ikinasa ng mga awtoridad nitong Biyernes, 25 Hunyo, sa bayan ng Talavera, lalawigan ng Nueva Ecija.

Ayon sa ulat ni P/Col. Jaime Santos, provincial director ng Nueva Ecija PPO, kay PRO3 Director P/BGen. Valeriano De Leon, nagsagawa ng entrapment operation ang mga operatiba ng Talavera MPS sa Brgy. San Ricardo na nagresulta sa pagkamatay ng suspek na kinilalang si June Arimbuyutan, 42 anyos, ng Brgy. MS Garcia, lungsod ng Cabantauan, kabilang sa drugs watchlist, dati nang nahuli at naku­long noong Hulyo 2014 sa kasong paglabag sa RA 9165.

Narekober ng mga Scene of the Crime Operatives (SOCO) sa pinangyarihan ng insidente ang dalawang pakete ng hinihinalang shabu na nagkakahalaga ng P68,000.00, isang kalibre .38 baril, mga basyo ng bala ng kalibre 9mm pistola, isang pulang Honda TMX na may side car, at marked money na ginamit sa operasyon.

Samantala, mag­ka­sama ang mga operatiba ng Talavera MPS at PPDEU/PIU-NEPPO na naglatag ng drug bust sa Brgy. Poblacion Sur laban sa suspek na kinilalang si Rodrigo Salazar, 27 anyos, may asawa, jeepney driver, ng Brgy. La Torre.

Pumalag ang suspek nang makatunog na pulis ang nakatransaksiyon, at nang makakuha ng buwelo ay pinaputukan ang mga awtoridad na agad gumanti ng mga putok na nagresulta sa pagkamatay ng suspek.

Nakuha sa pagproseso ng mga Scene of the Crime Operatives (SOCO) sa lugar ang tatlong pakete ng hinihinalang shabu na may timbang na 15 gramo at nagkakahalaga ng P102,000, marked money, at isang itim na Rusi motorsiklo na ginamit ng suspek sa kanyang ilegal na modus.

“PRO3-PNP is continuously conducting proactive operations to invigorate its efforts to wipe out all forms of illegal drugs in order to achieve its quest for a drug free Central Luzon,” pahayag ni P/BGen. De Leon.

(RAUL SUSCANO)

About Raul Suscano

Check Also

Apostle Arsenio Ferriol

4th Watch nagluksa sa pagpanaw ng founder na si Apostle Arcenio Ferriol

NAGLUKSA ang buong Pentecostal Missionary Church of Christ (4th Watch) sa pagpanaw ng kanilang founder …

Senador Alan at Pia nagbigay ng tulong sa 2,000 Batangueño

Senador Alan at Pia nagbigay ng tulong sa 2,000 Batangueño

UMABOT sa 2,000 Batangueño ang nakatanggap ng tulong mula sa mga opisina nina Senador Alan …

Lito Lapid agri-tourism

Pagpapalago ng agri-tourism, isusulong ni Sen. Lito Lapid

INAARAL ngayon ni Senador Lito Lapid ang pagpapaunlad ng Agri-tourism sa bansa. Kasunod ito ng …

Bong Revilla Jr Bryan Revilla

Sen. Revilla, Agimat Partylist saludo sa volunteer groups na handang magsakripisyo sa bayan

INIHAYAG ni Agimat Partylist Rep. Brian Revilla at maging ang tanggapan ng kanyang ama na …

Bagong gusali para sa retired MPD cops, pinasinayaan

Bagong gusali para sa retired MPD cops, pinasinayaan

MAYROON nang sariling tanggapan at gusali ang mga retired members ng Manila Police District. Ito …

Leave a Reply

Your email address will not be published. Required fields are marked *