Monday , May 27 2024

2 sa Nueva Ecija, 1 sa Tarlac, tiklo sa PRO3 PNP (Most wanted sa CL nalambat sa manhunt ops)

NALAMBAT ang dalawang mula sa lalawigan ng Nueva Ecija at isa sa lalawigan ng Tarlac na pawang mga pugante at kabilang sa listahan ng mga most wanted ng mga awtoridad nitong Lunes, 21 Hunyo, sa pinaigting na manhunt operation ng PRO3-PNP sa magkahiwalay na lugar sa rehiyon.

Ayon sa ulat ni P/Col. Jaime Santos, provincial director ng Nueva Ecija PPO, naaresto ng mga kagawad ng Palayan City Police Station ang suspek na kinilalang si Freddie Domantay, 40 anyos, construction worker, top 2 most wanted ng lungsod ng Palayan, residente sa Brgy. Marcos Village, sa nabanggit na lungsod, sa bisa ng warrant of arrest sa kasong Murder na nilagdaan ni Presiding Judge Lody Tancioco, ng Palayan City RTC Branch, walang inirekomendang piyansa.

Dinakma Rin ng mga operatiba ng Laur Municipal Police Station ang puganteng si Noel Sarmiento, 48 anyos, may asawa, magsasaka, residente SA Brgy. 1, sa bayan ng Laur, isa sa mga most wanted ng nasabing bayan, sa bisa ng warrant of arrest sa kasong paglabag sa Special Protection of Children Against Child Abuse, Exploitation and Discrimination Act, na nilagdaan ni Presiding Judge Emelita Miranda Portillo, ng Palayan City RTC Branch 7-FC na may petsang 14 Hunyo 2021 at may itinakdang piyansang P180,000.

Sa lalawigan ng Tarlac, kinordon nang makompirma ng mga kagawad ng San Manuel MPS, PSOTG-Tarlac PPO, QCDIT MDIT, RIU NCR at RMFB NCRPO, sa ilalim ng superbisyon ni P/Col. Renante Cabico, provincial director ng Tarlac PPO, ang pinagtataguan ng suspek na kinilalang si Armando Parinas, 31 anyos, binata, ng bayan ng San Manuel, lalawigan ng Tarlac, top 8 most wanted ng National Capitol Region, sa bisa ng warrant of arrest sa kasong Murder na nilagdaan ni Presiding Judge Felicitas Laron Cacanindin ng Manila RTC Branch 17, may petsang 5 Marso 2021, walang inirekomendang piyansa sa pansamantalang paglaya ng suspek.

“Once again, I commend PNP-PRO3 men and women for another successful manhunt operation to bring MWPs to the fold of justice and answer their crimes committed. The continuous arrest of wanted persons is also anchored on the intensified cleanliness policy of the C/PNP P/Gen. Guillermo Lorenzo Eleazar,” pahayag ni P/BGen. Valeriano De Leon.

(RAUL SUSCANO)

About Raul Suscano

Check Also

Apostle Arsenio Ferriol

4th Watch nagluksa sa pagpanaw ng founder na si Apostle Arcenio Ferriol

NAGLUKSA ang buong Pentecostal Missionary Church of Christ (4th Watch) sa pagpanaw ng kanilang founder …

Senador Alan at Pia nagbigay ng tulong sa 2,000 Batangueño

Senador Alan at Pia nagbigay ng tulong sa 2,000 Batangueño

UMABOT sa 2,000 Batangueño ang nakatanggap ng tulong mula sa mga opisina nina Senador Alan …

Lito Lapid agri-tourism

Pagpapalago ng agri-tourism, isusulong ni Sen. Lito Lapid

INAARAL ngayon ni Senador Lito Lapid ang pagpapaunlad ng Agri-tourism sa bansa. Kasunod ito ng …

Bong Revilla Jr Bryan Revilla

Sen. Revilla, Agimat Partylist saludo sa volunteer groups na handang magsakripisyo sa bayan

INIHAYAG ni Agimat Partylist Rep. Brian Revilla at maging ang tanggapan ng kanyang ama na …

Bagong gusali para sa retired MPD cops, pinasinayaan

Bagong gusali para sa retired MPD cops, pinasinayaan

MAYROON nang sariling tanggapan at gusali ang mga retired members ng Manila Police District. Ito …

Leave a Reply

Your email address will not be published. Required fields are marked *