Saturday , February 4 2023
NBI

4 nagbebenta ng Remdesivir inaresto ng NBI

DINAKIP ng mga ahente ng National Burreau of Investigation (NBI) ang apat na nagbebenta ng Remdesivir, isang uri ng gamot sa mga pasyente ng CoVid-19 matapos ang isinagawang entrapment operation sa Quezon City, kahapon.
 
Kinilala ni NBI officer in charge (OIC) Director Eric Distor ang mga nadakip na sina Maria Cristina Manalo, Christopher Boydon, Philip Bales at Bernard Bunyi.
 
Ayon kay Distor, ang operasyon ng NBI Special Task Force ay bunsod ng natanggap na impormasyon na talamak ang online selling ng gamot sa bansa.
 
Inianunsiyo ng Food and Drug Administration (FDA) na ang paggamit ng naturang anti-viral drugs ay nangangailangan ng Compassionate Special Permit (CSP).
 
Napag-alaman, ang CSP ay ibinibigay lamang sa mga lisensiyadong doktor o ospital na magiging responsable sa paggamit at pagbebenta ng Remdesivir.
 
Ang may hawak ng CSP ay dapat ipaalam sa mga pasyente ang benepisyo o panganib sa paggamit ng nabanggit na gamot at kailangan din iulat sa FDA kung ano ang naging resulta sa pasyente na gumamit ng Remdesivir.
 
Dahil dito, patuloy ang ginagawang pagtukoy ng NBI-STF sa mga ilegal na nagbebenta ng gamot hanggang maka-order sa online seller na ang presyo ng bentahan ay umaabot sa P4,500 hanggang P5,000.
 
Sa entrapment operation, unang nadakip sina Manaig Boydon at Bale sa West Avenue QC, habang si Bunyi ay naaresto sa Timog QC.
 
Nakapiit ang mga suspek at nahaharap sa kasong paglabag sa RA9711 o ang Food Administration Act of 2009 at RA5921 (Philippine Pharmacy Act). (ALMAR DANGUILAN)

About Almar Danguilan

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply