Wednesday , February 21 2024

Troll farms tiba-tiba sa 2022 polls (Dahil sa pandemya)

ni ROSE NOVENARIO

TIBA-TIBA ang troll farms at online campaigning sa 2022 elections kahit sa panahon na nagtatakda ng lockdown at ipinaiiral ang mga restriksiyong pangkalusugan dahil sa pandemyang dulot ng CoVid-19.

Naniniwala si Aries Arugay, professor sa UP Diliman Department of Political Science, mas magiging epektibo sa kampanya ng mga kandidato ang troll farms at online campaigning bunsod ng mga umiiral na CoVid-10 health protocols.

“Mas lalo itong mapaiigting, given we’re in a pandemic, given the nature of campaigning will likely change. Siguro, ‘yung paghahawak-kamay, pagpunta, mga sorties, mababawasan ‘yan definitely, at mapapalitan ‘yan ng online campaigning . At sa tingin ko, magiging mas mabisa ito given the online presence of most Filipinos,” ani Arugay kaugnay sa online trolls.

Ang trolls ay mga taong nag-uumpisa ng away sa internet o “mga taong nakikisali sa usapan ng may usapan sa internet at nagpo-post ng mga hindi kaaya-aya upang makakuha ng atensiyon o makapanakit ng ibang tao.”

Sumikat ang troll industry sa Filipinas noong 2016 elections na sinasabing naging malaking ambag sa tagumpay ni Pangulong Rodrigo Duterte.

Noong nakalipas na linggo, isiniwalat ni Sen. Panfilo Lacson na isang undersecretary sa Malacañang ang nagsisil­bing ‘ninong’ ng trolls para atakehin ang mga kritiko ng administra­syong Duterte at mga posibleng kalaban ng kanyang mga ‘manok’ sa 2022 elections.

“Ngayon pa lang mayroon akong alam na isang high official, sabihin na lang nating unders­ecretary na nag-o-organize na sa buong bansa sa bawat probin­siya. Hinihingan na ng quota na mag-organize ng at least dalawang troll [farm] sa isang probinsiya,” ani Lacson.

“You can just imagine if it materializes and using the resources of the government whether or not it was sanctioned by Malacañang. Well, I hope no and I don’t believe so,” sabi ng senador.

Ayon sa source ng Hataw, ang naturang undersecretary ay alaga ng isang cabinet secretary at ng isang mambabatas dahil nabilog ang kanilang ulo sa husay ng boladas.

Sa kabila ng mga eskandalong kinasang­kutan ng Usec, hindi siya natitinag dahil pinaki­kinabangan umano ang kanyang mga ideya na karaniwan naman ay palpak, ayon sa source ng Hataw.

“Nagbubunyi ang marami sa expose laban kay Usec, para kaming nanonood ng labanang Ping kontra Ping,” sabi ng source.

About Rose Novenario

Check Also

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

Leave a Reply

Your email address will not be published. Required fields are marked *