Wednesday , February 21 2024

Mega web of corruption: P3,000 wage hike sa IBC-13 rank and file employees

ni Rose Novenario

MAKATATANGGAP ng dagdag na P3,000 kada buwan sa kanilang sahod ang lahat ng rank and file employees ng state-run Intercontinental Broadcasting Corporation (IBC-13).

Napagkasunduan ito sa ginanap na pulong ng mga opisyal ng IBC Employees Union (IBCEU) at ni Corazon Reboroso, Human Resource manager ng IBC-13 noong Biyernes.

Ang meeting ay naganap kasunod ng panawagan ni Sen. Christopher “Bong” Go sa management ng IBC-13 at Presidential Communications Operations Office (PCOO) na aksiyonan ang hinaing ng mga obrero ng IBC-13 partikular sa aspektong pinansyal.

“Aksiyonan na po dapat ito sa lalong madaling panahon. Unahin natin ang interes at kapakanan ng ordinaryong mamamayan, lalo ang mga apektadong manggagawa na nangangailangan ng agarang tulong ngayon. Gawin na ang dapat gawin, ibigay ang dapat ibigay, at mapanagot ang dapat managot,” sabi ni Go.

Nakatakdang sumulat ang IBCEU sa Board of Directors ng IBC-13 na aprobahan ang P3,000 wage hike ng rank and file employees simula sa Setyembre 2020.

Ayon kay IBCEU president Alberto Liboon, ang kasunduan nila ng management na wage hike ay habang may inisyal na pag-uusap upang amyendahan, -i-renegotiate at aprobahan ang bagong collective bargaining agreement (CBA).

Mula pa noong 2008 ay ipinatutupad ang moratorium sa monetary provision ng umiiral na CBA.

“With this, we ask the members of the board to consider the approval of the same. This is in consonance with the statement released by Senator Bong Go that the concerns of the workers’ union must be given preference and approval and must be addressed the soonest time,” sabi ni Liboon sa liham.

Tiniyak ni Go noong Miyerkoles na mananagot ang mga opisyal ng IBC-13 na naglagay sa naghihingalong kalagayang pinansiyal sa state-run network.

Inihayag ito ni Go bilang reaksiyon sa mga naisiwalat ng HATAW na katiwalian sa IBC -13 at ang pagdurusa ng mga manggagawa nito.

Tiniyak ni Go, maaaksiyonan ang mga hinaing ng mga obrero kaya’t ipinarating niya sa Office of the President (OP) at Presidential Communications Operations Office (PCOO) upang kagyat na maimbestigahan ang mga responsableng opisyal.

Lahat aniya ng mga benepisyong para sa mga obrero alinsunod sa batas ay ibigay sa kanila sa lalong madaling panahon lalo na’t may nararanasang krisis sa bansa.

Iginiit ni Go, kailangan din tiyakin na hindi malulugi ang gobyerno sa proseso ng pagsasapribado sa IBC-13 kaya’t dapat pag-aralang mabuti at ikonsidera ang kasalukuyang kalagayang pinansiyal ng state-run network gayondin ang sitwasyon ng ekonomiya.

Matatandaan na dalawang beses nagpadala ng liham kay Go ang IBCEU, una noong 6 Marso 2018 at ikalawa ay noong 19 Abril 2020, hiningi ang tulong ng senador para maisakatuparan ang matagal nang balak na pagsasapribado o privatization ng IBC-13 upang maisalba ang naghihingalong estado ng state-run network. (MAY KASUNOD)

About Rose Novenario

Check Also

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

Leave a Reply

Your email address will not be published. Required fields are marked *