Sunday , May 19 2024
Nora Aunor Gloria Arroyo GMA Rodrigo Duterte PNoy
Nora Aunor Gloria Arroyo GMA Rodrigo Duterte PNoy

Nora, ligwak (na naman) bilang National Artist

HINDI kagaya noong unang na-bypass ni PNoy si Nora Aunor bilang National Artist na nag-ingay pa ang NCCA at nagsabing mali ang presidente nang hindi isama sa deklarasyon si Nora, ngayon ay tahimik ang lahat nang muling i-bypass ni Presidente Rodrigo Duterte si Nora  sa ikalawang pagkakataon.

Sinasabi ngayon ng NCCA na totoong nasa listahan nila si Nora, at totoo ring sa lahat ng nasa listahan ay siya lamang ang na-bypass. Pero wala  umanong sinabing paliwanag ang Malacañang kung bakit. At wala naman silang inaasahang paliwanag dahil iyan ay isang “presidential prerogative.”

Sa desisyon ng Korte Suprema, nang akusahan noon si dating Presidente Gloria Macapagal Arroyo na nagdagdag ng mga pangalan sa listahan ng National Artists, hindi man rekomendado ng CCP at NCCA kagaya ng itinatakda ng batas, maliwanag namang sinabi ng Korte Suprema na nangingibabaw pa rin ang prerogative ng presidente at maaari niyang alisin ang sino man na inaakala niyang hindi nararapat sa ganoong karangalan, o hindi pa napapanahong bigyan ng ganoong parangal.

Sabi nga ng NCCA, maaaring may isang committee of advisers din ang presidente na may kinalaman sa sining at kultura na siyang nagrekomenda ng bypass.

Pero ano man ang dahilan, ligwak na naman si Nora. Hindi siya naging National Artist sa ikalawang pagkakataon. Ikalawang presidente na iyan na naniniwalang hindi siya nababagay, o hindi pa napapanahon para maging isang National Artist.

Sayang nga, kasi noong panahon ni Arroyo, na sa simula ng kampanya ay nagsabing ”kamukha siya ni Nora Aunor,” ay wala naman dito si Nora, dahil nasa US nga siya at kasagsagan noon ng kanyang kaso dahil sa nahuling droga sa kanya.

Maaari namang i-nominate nilang muli si Nora sa ikatlong pagkakataon, pero maaari rin siyang i-bypass ng presidente sa ikatlong pagkakataon din.

HATAWAN
ni Ed de Leon

Lea, nadamay kay Aga

Lea, nadamay kay Aga

About Ed de Leon

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *