Tuesday , April 16 2024

BBL uunahin ng Senado kaysa Cha-cha — Sen. Aquino

KOMPIYANSA si Senador Bam Aquino na makapapasa ang Bangsamoro Basic Law (BBL) sa Senado sa Marso, idiniing makatutulong ito upang wakasan ang karahasan at terorismo sa Mindanao at mabigyan ng maganda at maunlad na buhay ang mga Muslim.

“Uunahin na natin ang pagpasa sa BBL. We need this law in order to address urgent and pres-sing issues in the Bangsamoro region. A number of senators have agreed to pass this by March, even ahead of any Cha-cha,” wika ni Aquino, idinagdag na baka mauna pang maipasa ang BBL sa Senado kaysa Kamara.

“Nagkakasundo rin ang mga lider sa Mindanao na ang pagsasabatas ng BBL ay isang solusyon para maibsan ang karahasan at pag-aaway sa Bangsamoro areas,” dagdag ni Aquino, isa sa anim senador na bumisita kamakailan sa Marawi City upang magsagawa ng konsultasyon at dialogo ukol sa BBL.

Bukod kay Aquino, lumahok din sa konsultasyon sina Senators Cynthia Villar, JV Ejercito, Migz Zubiri, Sonny Angara at Risa Hontiveros.

Binisita nila ang ground zero, ang malaking bahagi ng siyudad na nawasak sa bakbakan at pagpapasabog.

Ipinunto ng Senador, nagkakaisa ang Senado, mula sa mayorya hanggang sa minorya, na kailangan ang BBL upang matapos ang karahasan at mapabilis ang pag-unlad ng rehiyon sa pamamagitan ng awtonomiya.

“Huwag natin ipantapat ang karahasan sa terorismo. Kapayapaan at kasaganaan ang ating ipantatapat dito sa pama-magitan ng BBL,” wika ni Aquino, tinutukoy ang Marawi siege na na inilunsad ng mga miyembro ng Maute group noong nakaraang taon.

Inihain ni Aquino ang Senate Bill No. 1661, nagsusulong sa pagpasa sa BBL. Bago binuo ang nasabing panukala, kinonsulta ni Aquino ang ilang sektor, kabilang ang Bangsamoro Transition Commission (BBL), u­pang maiakma sa kasaluku-yang pangangailangan sa rehiyon. 

(NIÑO ACLAN)

About Niño Aclan

Check Also

SM scholar 1

Pursuing education despite the odds
These SM scholar alumi are now steps closer to their dreams

Queenie Alfonso (left) and Prince Mangahas (right) join the SM Scholars’ general assembly at SM …

Alfonso Brandy Feat

Alfie Alley Year 2 – The Ultimate Celebration of Street Culture, Art, Music and Drinks Returns with Alfonso Brandy

Manila, Philippines – With the echoes of last year’s resounding success still reverberating, Alfonso Brandy …

Arrest Posas Handcuff

Criminal gang member, arestado sa entrapment

ARESTADO ang isang miyembro ng ‘Dacallos Criminal’ gang na sinabing sangkot sa ilegal na pagbebenta …

LTO Land Transportation Office

3.2-M backlogs sa plastic cards ng LTO makokompleto na

INIHAYAG ni Land Transportation Office (LTO) Chief, Assistant Secretary Atty. Vigor D. Mendoza II na …

Arrest Caloocan

Sa P.6-M shabu
2 TULAK HULI SA KANKALOO

HINDI nakaligtas sa kamay ng mga awtoridad ang dalawang hinihinalang tulak ng ilegal na droga …

Leave a Reply

Your email address will not be published. Required fields are marked *