Wednesday , June 26 2024

Driver/bodyguard, yaya patay, among chinese kritikal sa ambush (5-anyos sugatan)

071416 victim gun incident
INIIMBESTIGAHAN ng mga tauhan ng PNP-SOCO ang bangkay ng biktimang si Mark Neil Alisalis, pinagbabaril ng dalawang hindi nakilalang lalaki habang minamaneho ang Mercedez benz (BAO-112) sa Macapagal Blvd., Pasay City, patay rin sa insidente ang isang kasambahay habang kritikal ang isang Chinese lady at bahagyang nasugatan ang 5-anyos batang babae. (JERRY SABINO)

PATAY ang dalawa katao habang malubha ang isang babaeng Chinese at bahagyang nasugatan ang 5-anyos batang babae makaraan paulanan ng bala ang sinasakyan nilang kotse ng isa sa dalawang lalaking magkaangkas sa motorsiklo kamakalawa ng gabi sa Pasay City.

Binawian ng buhay noon din ang driver/bodyguard na si Pfc. Mark Neil Alisasis, 33, ng Block 13, Lot 28, Francisco Homes, San Jose Del Monte, Bulacan, habang dakong 1:15 am kahapon nang malagutan ng hininga habang ginagamot sa San Juan De Dios Hospital ang kasambahay na si Adelfa Dava Apostol, 22, ng 531 Asuncion St., Binondo, Manila.

Nilalapatan ng lunas sa pagamutan si Kate Monica Hong, 20, at ang batang si Janelle Choi, 5-anyos.

Base sa inisyal na ulat ng Pasay City Police, dakong 9:30 pm nang maganap ang insidente sa Seaside Market (Dampa) compound southbound ng Macapagal Boulevard.

Kalalabas lamang makaraan maghapunan ang mga biktima sa Hueying Restaurant at sumakay sa dark blue Mercedez Benz (BAO 112) na minamaneho ni Alisasis.

Habang nagbabayad ng parking fee ang driver, bigla silang pinagbabaril ng isa sa dalawang suspek na lulan ng motorsiklo.

Pagkaraan ay mabilis na tumakas ang mga suspek.

Napag-alaman, naiwan sa restaurant ang tatay ng bata nang mangyari ang insidente.

Blanko pa ang mga awtoridad sa motibo ng pamamaril habang patuloy na sinusuri ang CCTV sa lugar upang tukuyin ang mga suspek.

( JAJA GARCIA )

About Jaja Garcia

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *