This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
LOPEZ, Quezon – Patay ang isang tricycle driver habang kritikal ang kalagayan ng kanyang kasama makaraan pagbabarilin ng hindi nakilalang suspek kamakalawa sa Brgy. Gomez sa nasabing bayan.
Kinilala ang napatay na si Larry Argosino Himantog, 45, habang kritikal ang kalagayan ni Renieto Gutierrez Cumayas, 55, kapwa tricycle driver, ng nabanggit na lugar.
Batay sa ulat ng pulisya, habang namamasada ang mga biktima dakong 8 a.m. kamakalawa nang bigla silang pagbabarilin ng hindi nakilalang suspek na lulan ng motorsiklo.
Pagkaraan ay mabilis na tumakas ang suspek patungo sa Lopez-Catanauan Road.
