This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
AMINADO ang United Nations (UN) na nababagalan ito sa ginagawang rehabilitasyon para sa mga biktima ng bagyong Yolanda kasabay ang pangambang abutan pa sila ng panibagong kasinglakas na bagyo.
Sinabi ni UN Special Representative of Secretary General for Disaster Risk Reduction Margareta Wahlstrom, nababagalan sila sa ipinatutupad na rehabilitation works ng gobyerno sa mga sinalanta ng kalamidad dahil hanggang ngayon ay hindi pa natatapos ang permanent housing ng mga biktima.
Kaya nababahala ang kinatawan ng UN na abutan nang susunod na malakas na bagyo na katulad ng bagyong Yolanda, ang mga biktima na hanggang ngayon ay nakatira pa rin sa temporary shelters.
Iginiit pa ni Wahlstrom, dapat makiisa sa gobyerno ang local government units (LGUs) gayondin ang komunidad sa pagsusulong ng disaster risk reduction upang malabanan ang climate change lalo’t palaging nakaharap sa iba’t ibang kalamidad ang bansa tulad ng bagyong Yolanda.
