Monday , December 5 2022

Mahirap at jobless, lumala sa PNoy admin — Binay

TULAD nang inaasahan, pawang batikos at inungkat ni Vice President Jejomar Binay ang mga isyu sa sinasabing ‘palpak at manhid’ na administrasyon ni Pangulong Benigno “Noynoy” Aquino.

Sa kanyang tinaguriang True State of the Nation Address (TSONA) sa Cavite State University sa Indang, Cavite nitong Lunes ng hapon, inisa-isa ni Binay ang mga kapalpakan ng pamahalaan ni Aquino kabilang na ang kontroberisyal na Luneta hostage crisis, Zamboanga siege, Yolanda tragedy, at Mamasapano massacre na aniya’y hindi natugunan nang maayos ng gobyerno kaya’t hindi nabanggit sa SONA ng punong ehekutibo.

Wala rin aniyang napala ang taong bayan sa SONA ni Aquino dahil panay paninisi at pagbubuhat ng bangko ang ginawa.

“Ang narinig natin ay ulat na punong-puno ng kwento, pagbubuhat ng sariling bangko at tulad ng mga naunang SONA, paninisi,” wika ni Binay.

Tahasang sinabi ni Binay, lalong humirap ang buhay ng ordinaruong mamamayan at dumami ang walang trabaho sa limang taon na pamamahala ni Aquino.

“Hindi makakamit ang tunay na ginhawa sa biyaheng ‘daan matuwid’ na manhid at palpak naman,” wika pa ng bise presidente.

Mistulang ipinamukha pa ni Binay ang kapabayaan ng pamahalaan sa isyu ng “SAF 44” dahil ginawa pa niyang backdrop sa kanyang TSONA ang larawan ng mga namatay na miyembro ng Special Action Force (SAF) Mamasapano encounter, at sa pagtatapos ng kanyang talumpati ay sumaludo siya sa imahen ng mga namatay na pulis makaraan banggitin ang lahat ng pangalan.

About Rose Novenario

Check Also

Bongbong Marcos Santa Claus Malacañang

FM Jr., nag-Santa Claus sa 600 bata sa Malacañang

MAY 600 batang nakatira sa mga komunidad sa paligid ng Malacañang complex sa San Miguel, …

Consumer Act

Ngayong Christmas rush
PROTEKSIYON PABOR SA MGA MAMIMILI NAIS PAIGTINGIN

SA GITNA ng biglaang dagsa ng mga mamimili bago sumapit ang Pasko, sinabi ni Senador …

baboy money Department of Agriculture

Suplay ng baboy, sapat para sa Pasko — DA

TINIYAK ni Department of Agriculture (DA) Deputy Spokesperson Rex Estoperez, sapat ang suplay ng baboy …

Bebot na-trap, sa gumuhong building, 2 pa sugatan

Bebot na-trap, sa gumuhong building, 2 pa sugatan 

NA-TRAP ang isang 22-anyos babae habang dalawa ang sugatan matapos gumuho ang isang 4-storey residential …

120522 Hataw Frontpage

Sa Taguig City
2 HS STUDENTS, 4 KAMAG-ANAK INASUNTO VS BOMB THREAT

SINAMPAHAN ng kasong paglabag sa Anti-Terrorism Act ang dalawang high school students at apat na …

Leave a Reply