Wanted rapist sa Calabarzon arestado

NAGA CITY – Makaraan ang pagtatago sa batas tuluyang nahulog sa kamay ng mga awtoridad ang isang most wanted person sa rehiyon ng CALABARZON.

Kinilala ang suspek na si Nicanor Ayson, 31-anyos.

Ayon sa ulat mula sa  Quezon Police Provincial Office, nadakip ang suspek sa operasyon sa San Narciso Municipal Police Station sa bisa ng warrant of arrest na ipinalabas ni Judge Maria Chona Pulgar-Navarro ng RTC, Branch 61.

Kasong rape ang kinakaharap ng suspek na si Ayson at walang inirekomendang piyansa.

Itinuturing siyang number 5 most wanted person sa nasabing rehiyon.

Napag-alaman, isang 16-anyos dalagita ang hinalay ni Ayson sa loob ng bahay ng biktima noong taon 2013.