Pacman, Veloso emosyonal sa pagkikita sa Indonesia

NAGING emosyonal ang pagkikita nina Filipino boxing icon at Sarangani Rep. Manny Pacquiao at Filipina drug convict na si Mary Jane Veloso sa Indonesia.

Sa harap ito ng panibagong impormasyon na posibleng matuloy na ang pagbitay kay Veloso sa pamamagitan ng firing squad.

Kasama ni Pacman ang kanyang maybahay na si Sarangani Vice Gov. Jinkee Pacquiao.

Ayon kay Atty. Edre Olalia ng National Union of Peoples’ Lawyer, nag-iwan ng pinansyal na tulong ang kongresista para sa mga anak ni Veloso.

Si Pacman ay hindi agad makaaalis ng Indonesia dahil sa pagsasara ng limang airport doon dahil sa pagsabog ng Mount Raung sa East Java.

Samantala, ipinatutuloy na ng DoJ ang mga kaso kina Maria Kristina Sergio at Julius Lacanilao na nagsilbing recruiters ni Veloso kaya ito napunta sa naturang bansa.