Restrooms for gays ipatatayo sa paliparan

MAGPAPATAYO ang Civil Aviation Authority of the Philippines (CAAP) ng mga communal toilet o all-gender restrooms.

Alinsunod sa Gender Awareness Development Program ng pamahalaan, isasagawa ito ngayong buwan kasabay ng pagsasaayos sa mga palikurang nasa 41 paliparan na nasa ilalim ng hurisdiksyon ng CAAP.

Ang all-gender restrooms ay magagamit ng mga babae, lalaki o ano mang gender identity o expression ng ga-gamit nito.

Ibig sabihin, hindi lamang para sa mga babae, lalaki o person with disability ang palikuran kundi magpapatayo na rin ang CAAP nang hiwalay na pinto para sa all-gender neutral bathrooms.

Kabilang sa unang pagtatayuan nito ang CAAP Central Office at ang mga paliparan sa Bosuanga, Butuan, Calbayog, Cauayan, Dipolog, Legazpi, Masbate, Naga, Pagadian, Puerto Princesa at Tuguegarao passenger terminal buildings. Nilinaw ni CAAP Public Information Officer Eric Apolonio, hindi kasama sa programa ang Ninoy Aquino Interntional Airport (NAIA) dahil wala ito sa kanilang hurisdiksyon.

GMG