15 arestado sa QC drug bust

ARESTADO ang 15 katao na sangkot sa illegal na droga sa magkakahiwalay na drug bust operations ng mga tauhan ng Quezon City Police District (QCPD), iniulat kahapon.

Sa ulat kay Chief Supt. Joel D. Pagdilao, QCPD director, kabilang sa mga naaresto sina Joel Liempos, 42; Rodolfo Dimaano, 44; Edgar Carisma, 39; Grace Rivera, 19; Jose Buenaventura, 25; Mark Dela Cruz, 25; at Norman Arañas, 23-anyos.

Ayon kay  Chief Inspector Robert Razon, hepe ng DAIDSOTG, naaresto dakong 8:30 p.m. nitong Hulyo 1, 2015, ang mga suspek sa 108 Compound sa Don Vicente St. kanto ng Don Primitivo St., Don Antonio Village, Brgy. Holy Spirit, Quezon City, makaraang bentahan nila ng shabu ang isang pulis na nagpanggap na buyer.

Habang ang lima pang suspek na nadakip ng Masambong Police Station (PS-2) ay sina Jessniel John Bullos, 28; Nelson Herrera, 55; Jeluz Sayon, 33; Rolando Menor, 36; at Jeffrey Buhay, 42. Naaresto sila habang gumagamit ng shabu dakong 3 a.m. nitong  Hulyo 1, 2015 sa Brgy. Vasra, Quezon City.

Samantala, sa Brgy. Pasong Putik sa nabanggit ding lungsod, naaresto rin sina John Lemmon Garcia, 35, Mark Anthony Domiquil, 28; at Mariella Isla, 18-anyos.

Almar Danguilan