HATAW! D'yaryo ng Bayan hatawtabloid.com
NAGPALABAS ng Hold Departure Order (HDO) ang Sandiganbayan laban sa negosyanteng si Cedric Lee.
Ito ay kaugnay sa kasong graft at malversation na kinakaharap ni Lee sa Sandiganbayan 3rd Division.
Nangangahulugan itong hindi na maaaring lumabas ng bansa si Lee.
Ang kasong graft at malversation ay nag-ugat sa sinasabing maanomalyang paggamit ni Lee ng P23.47 milyon pera ng gobyerno para sa konstruksiyon ng public market sa Bataan.
Nabatid na si Lee ang presidente at CEO ng Izumo Contractors Inc. na siyang nagtayo ng public market.
Si Cedric Lee ay nahaharap din sa kasong illegal detention at pananakit sa TV host-actor na si Vhong Navarro.
