Korean nat’l  tiklo sa human trafficking

INARESTO ng mga operatiba ng Quezon City Police District (QCPD) ang isang Korean national na sangkot sa human trafficking, kamakalawa sa nasabing lungsod.

Sa ulat kay Chief Supt. Joel D. Pagdilao, QCPD director, kinilala ang naaresto na si Woo Jung Woo, 27, nakatira sa 16/F Avida Tower, Boni Serrano Ave., Brgy. Bagong Lipunan, Quezon City.

Si Woo ay nadakip dakong 1 p.m. nitong Hunyo 30, 2015 sa entrapment operation ng mga awtoridad.

Ayon kay Pagdilao, ikinasa ang operasyon laban sa suspek batay sa reklamo ng isa sa mga biktimang babaeng 18 anyos. 

Sa imbestigasyon, ang suspek ay ilegal na nagre-recruit ng mga babae sa GMA, Cavite at pinangakuan ng trabahong masahista sa spa.

Ngunit imbes maging masahista, dinadala ni Woo ang mga nare-recruit niya sa condominium at ginagawang sex workers.

Almar Danguilan