CNN-PH cameraman itinumba sa Cavite

PATAY ang assistant cameraman at driver ng CNN Philippines makaraan pagbabarilin ng hindi nakilalang suspek kahapon ng madaling-araw sa Imus, Cavite, ayon sa ulat ng pulisya at grupo ng National Union of Journalists of the Philippines.

Ayon sa NUJP,  sa  inisyal na ulat, kinilala ang biktima na si Jonathan Oldan. 

Nabatid na naganap ang insidente dakong 5:15 a.m. sa Bukaneg Street sa Brgy. Pinagbuklod, Imus.

“Oldan sustained four gunshot wounds in the head from still unidentified gunmen,” ayon sa NUJP.

Ayon sa ulat ng pulisya, ilang beses na pinaputukan ang biktima ng hindi nakilalang suspek.

Dagdag ng NUJP, makaraan bumili ng sigarilyo si Oldan sa isang convenience store ay nakipagkwentohan siya sa isang lalaki.

Ngunit makaraan ay nakitang tumatakbo ang biktima at ilang beses na binaril ng suspek

Kung ang insidente ay may kaugnayan sa kanyang trabaho, si Oldan ang pangatlong journalist na napatay ngayong taon, ika-27 sa ilalim ng administrasyon ni Pangulong Benigno Aquino III, ika-167 simula noong 1986, ayon pa sa grupo.