4 karnaper arestado, nakaw na vans nabawi sa Pampanga

ARESTADO ang apat katao sa isinagawang anti-carnapping operation ng Quezon City Police District (QCPD) sa San Simon, Pampanga kamakalawa.

Sa ulat kay Chief Supt. Joel Pagdilao, QCPD District Director, nadakip ang mag-anak na Maglanque na sina Andres, Lyndon, Henry, at Jamir, pawang mga residente Purok 6, Brgy. San Miguel, San Simon, Pampanga.

Narekober sa mga suspek ang limang L-300 van, isang aluminum van, isang Adventure at iba’t iba pang piyesa ng mga sasakyan. 

Natunton ang sina-sabing bagsakan ng mga ninakaw na sasakyan nang masundan ang isang van na tinangay sa Quezon City.

Ayon kay QCPD Anti-carnapping (ANCAR) Chief Insp. Richard Ang, modus ng grupong mag-ikot-ikot sa gabi o madaling araw at kapag may natiyempuhang nakaparada at walang bantay na sasakyan ay tatangayin ito patungo sa katatayan sa Pampanga.

Itinanggi ng mga suspek ang paratang habang susuriin ang mga naba-wing sasakyan para malaman kung tampered ang mga ito lalo’t walang naipakitang mga kaukulang dokumento ang mga naaresto.

Almar Danguilan