CCTV sa brgy makikita sa cellphone

BILANG tugon sa iba’t ibang uri ng krimen sa lungsod ng Maynila, may bagong application na maaaring gamitin upang ma-monitor ang nangyayari sa mga barangay kahit nasa malayong lugar.

Sa rami ng gumagamit ng cellphones, maaari nang makita ang mga kaganapan sa mga barangay na nakukuhaan ng Closed Circuit Television, kaya maaaring ma-monitor ng barangay officials ang kanilang nasasakupan kahit sila ay nasa malayo.

Ayon kay Brgy. Chairwoman Neri Mendez ng Bgy. 131, maaaring makita ng mga barangay chairman ang nangyayari sa kanilang lugar at nasasakupan sa pamamagitan ng  CCTV kahit sila ay nagsasagawa ng roving.

Sinabi ni Neri, sa  bagong sistema, kailangan lamang na magparehistro sa tipilink ang mga barangay na may CCTV. Maging sa cellphones aniya ay maaaring ma-monitor ang mga barangay.

Paliwanag ni Neri, malaking tulong ito sa lungsod ng Maynila at maging sa kapulisan na maresolba ang tambak-tambak na krimen.

Samantala, nagbigay ng medical assistance, wheel chair at libreng pagpapalibing si dating Brgy. Chairman at Manila South Cemetery Director Raffy Mendez.

Leonard Basilio