Ilang pamilya ng Kentex fire victims umareglo sa P.1-M

KINOMPIRMA ni Valenzuela City Mayor Rex Gatchalian, tatlo hanggang apat sa mga pamilya ng 72 namatay sa sunog, ang tinanggap ang alok ng Kentex Manufacturing Corp. na makipag-areglo na lamang sa halagang P100,000.

Kapalit ito nang hindi na paghahabla. Hindi aniya taga-Valenzuela ang mga nakipag-areglo at pagod na sa paghahabol sa kaso.

Habang ang ibang pamilya ay tuloy pa rin ang kaso laban sa may-ari ng factory.

Kaugnay nito, nagtipon-tipon kahapon ang pamilya ng 72 factory workers na namatay sa sunog sa pagawaan ng tsinelas sa Brgy. Ugong sa Valenzuela City upang gunitain ang isang buwan makalipas ang trahedya.

Nagkita-kita sila malapit sa pinangyarihan ng sunog upang manawagan ng hustiya sa kanilang mga pamilya.

Karamihan sa kanila ay may dalang streamers. Habang ang iba ay emosyonal pa rin sa pangyayari.