Bahay ni GMA gawing sub-jail under BJMP (Panukala sa Kamara)

BAGAMA’T wala pang desisyon ang Sandiganbayan kaugnay sa apela ni dating Pangulong Gloria Macapagal-Arroyo para sa house arrest, isinulong ng isang mambabatas na gawing sub-jail ang bahay ng dating punong ehekutibo sa La Vista upang doon na lamang siya ikulong.

Inihain ni Cagayan de Oro Rep. Rufus Rodriguez, dating alyado ng incumbent Pampanga solon, at kapatid na si Abante Mindanap party-list Rep. Maximo Rodriguez Jr., ang House Bill 5686, naglalayong gawing sub-jail ang bahay ni Arroyo ngunit isasailalim sa pangangasiwa ng Bureau of Jail Management and Penology (BJMP).

Sinabi ni Rep. Rufus Rodriguez, kapag naisabatas ang kanyang panukala, ito ay magiging special treatment kay Arroyo. Gayonman, ang pagtrato aniyang ito ay dahil sa humanitarian reasons.

“Well, there is always special treatment because first, she is a former president. Secondly, she is a lady. And third, she is very, very sick, that would qualify (for her to) have a special treatment for humanitarian reasons,” aniya.