Vendor tinarakan kritikal

GRABENG nasugatan ang isang 30-anyos vendor nang saksakin ng tatlong lalaki sa Quiapo, Maynila kamakalawa.

Duguan ang biktimang kinilalang si Gilbert Fernandez, may asawa, residente ng 346 Bautista St., Quiapo, Maynila dahil sa malalang tama ng saksak sa kanang tagiliran.

Sa salaysay ng biktima sa pulisya, dakong 4 a.m. naglalakad siya pauwi sa kanila nang salubungin ng tatlong lalaki at biglang dinaluhong ng saksak sa kanyang kanang tagiliran.

Iniimbestigahan ng pulisya ang insidente upang matukoy kung ano ang motibo at kung sino ang mga suspek.

Joshua Moya/Mary Joy Sawa-An/Darwin Macalla