2 patay sa salpukan ng 4 sasakyan sa Quezon  

PATAY ang dalawa katao habang dalawa ang sugatan makaraan salpukin ng isang kotse ang dalawang tricycle at isang van sa Brgy. 5, Lucena City, Quezon kamakalawa.

Ayon kay Lucena City Police Director, Supt. Allen Rae Co, nawalan ng kontrol ang driver ng Nissan na si Arwin Flores, dahilan para bumangga siya sa tricycle ni Joel Rojo, van ni Mario Alcantara, at isa pang tricycle na minamaneho ni John Flores. 

Namatay habang nilalapatan ng lunas sa ospital si John Flores.

Habang agad binawian ng buhay ang backrider niyang si Charmaine Conde makaraan mahulog, masagasaan ng kotse at makaladkad pa ng ilang metro. 

Walang maipakitang lisensya ang Nissan driver na ikinulong na habang inihahanda ang mga kasong isasampa sa kanya.